Вальверде: «Умид қиламан, "Олтин тўп"ни "Реал" ўйинчиси олади»

Мадриднинг «Реал» жамоаси ярим ҳимоячиси Федерико Вальверде «Олтин тўп» мукофотини ким қўлга киритиши кераклиги ҳақидаги саволга жавоб берди.

"Мен ҳар доим бу совринни жамоадошларимдан бири олишини истайман. Уларга ёрдам бераётганимдан, уларнинг исталгани ўз орзусини рўёбга чиқариб, «Олтин тўп»ни қўлга киритиш имконига эга бўлаётганидан бахтиёрман, — деди Вальверде.

Аввалроқ «Олтин тўп» учун курашаётган 30 нафар номзод рўйхати эълон қилинган эди. Унда «Реал» сафидан тўрт футболчи бор: Жуд Беллингем, Килиан Мбаппе, Марк Кукурелья ва Винисиус Жуниор.

Европа Чемпионлар лигаси биринчи турида «Реал» ўз майдонида «Интер» устидан ғалаба қозонди.