Вальверде ва Коутиньонинг "Барселона"даги тақдири сўроқ остида

"Барселона" клуби бош мураббийи Эрнесто Вальверде Чемпионлар лигасидаги муваффақиятсизликдан сўнг ўз лавозимида қолмаслиги мумкин. Бу ҳақда Marca нашри хабар тарқатмоқда.

Юқоридаги манбаага кўра каталонияликлар раҳбарияти 55 ёшли мутахассиснинг жамоадаги тақдирини мавсум якунлангач муҳокамага қўяди ва унга ойдинлик киритади. Таъкидлаш керакки, Вальверде гарчи яқиндагина клуб билан амалдаги шартномасини 2020 йилга қадар узайтирган бўлсада, унга чиқиш эшиклари кўрсатилиши мумкин.

“Барселона” раҳбарияти шунингдек сарфланган пулларни оқламаётган бразилиялик ярим ҳимоячи Филиппе Коутиньони ҳам трансферга қўйиш масаласини кўриб чиқмоқчи.