Ван Дейк: "Ливерпуль" ушбу босимдан чиқиб кетишга ҳаракат қилади"

 “Ливерпуль” ҳимоячиси Виржил ван Дейк “Тоттенхэм” (2:1) устидан қозонилган ғалабага ўз муносабатини билдирди.

“Ўта қийин бўлган учрашувда ғалаба қозондик. Ҳисоб тенглашганидан сўнг, жамоада бироз асабийлик юзага келди. Бироқ бу бизнинг ўйинимизга салбий томонлама таъсир кўрсатгани йўқ. Аксинча, ғалаба қозониш учун охиригача курашишимизни билдирарди.

Бундан кейинги ўйинлар янада қийинлашади. Чунки “Ливерпуль”да энди босим бор. Ушбу вазиятдан чиқиб кетиш  учун ҳаракат қиламиз. Мақсадимиз, АПЛда чемпионликни қўлга киритиш”, - дейди Ван Дейк.