Велоспортчиларимизнинг навбатдаги медали

Тошкент вилоятида велоспортнинг шоссе йўналиши бўйича Осиё чемпионатида бугун учинчи кунги баҳсларига старт берилди.

Чемпионатнинг 20 километр масофага эркак фахрийлар ўртасида ўтган беллашувларда ғолиб номи аниқ бўлди. Унда ҳамюртимиз Николай Коваленко бронза медали билан тақдирланди. Мазкур масофага ўтган баҳсларда қозоғистонлик Ринат Ахметбеков ва Сергей Гутсалюк олтин ҳамда кумуш медалини қўлга киритди.

Айни дамда фахрий аёллар 20 километр масофада ўзаро рақобатлашмоқда.

Эслатиб ўтамиз, кеча 20 ёшгача бўлган қизлар ўртасидаги спринт пойгасида ҳамюртимиз Янина Кускова иккинчи ўринни эгаллаган бўлса, ушбу ёш томифасида ўғил болалар ўртасида ўтган баҳсларда Беҳзодбек Раҳимбоев бронза медаль билан тақдирланган эди.