Вьетнамда жанг ўтказадиган икки ўзбекистонлик боксчилар вазн ўлчаш маросимида иштирок этдилар (Видео)

Профессионал боксда жанглар ўтказиб келаётган ҳамюртларимиз Абдулазиз Нажмиддинов ва "Кичик Тайсон" номи билан яхши таниш бўлган Олимжон Назаров навбатдаги жангини 30 июль куни Виетнамнинг Вунг Тау шаҳрида "Cocky Buffalo" компанияси томонидан ташкил этиладиган бокс оқшомида ўтказади. Супер ярим енгил вазн тоифасидаги (58,9 кг) Абдулазиз Нажмиддинов (9-0, 7КО) ушбу кечада Индонезия вакили Риво Кундимангга (9-3-2, 5КО) қарши жанг ўтказса, ўта енгил вазн тоифасида (50,8 кг) Олимжон Назаров (28-5, 15КО) WBО Oriental камарини филиппинлик Бенведино Лигасдан (14-2-2, 9КО) ҳимоя қилади.

Ушбу жанглардан аввал ҳамюртларимиз вазн ўлчаш ва нигохлар тўқнашуви маросимида иштирок этдилар.