Видаль эртага Италияга келади

"Барселона" хавбеки Артуро Видаль тез орада "Интер" аъзосига айланади. Бу ҳақда Corriere dello Sport нашри хабар тарқатмоқда.

Юқоридаги манбага кўра, 33 ёшли чилилик футболчи 14 сентябрь куни “нерадзуррилар” билан шартномани расмийлаштириш учун Италияга келади. Айрим ОАВнинг ёзишича, Видаль “Интер” билан 2022 йилгача шартнома имзолайди ва йилига 6 млн евро маош олади.

Видаль “Барселона” сафида 2018 йилдан буён тўп суриб келмоқда. У ўтган давр мобайнида 96 та ўйинда майдонга тушди ва 11 та гол ҳамда 10 та голли узатмага муаллифлик қилди.