Виктор Кумиков дуранг ҳақида нима деди?

“Ғиждувон” – “Андижон” (1:1) ўртасидаги ўйиндан кейинги матбуот анжуманининг иккинчи қисмида меҳмонлар бош мураббийи Виктор Кумиков иштирок этди.

- Биласизми, оддий ҳолатда, кутилмаганда тўп ўтказиб юбордик. Агар сен вазиятлардан фойдаланмасанг ғалаба қозониб бўлмайди, яъни, гол урмасанг ғалабага эришиш қийин. Бир қанча имкониятларни яратдик, аммо гол уролмадик. Бунгача кичик босим ва кичикроқ забарларни амалга ошираётгандик, қанотлардан. Яна нима дейишга ҳам ҳайронман. Легионерларимиз бу ҳафта биз билан машғулот ўтказишмади. Улар асосан йўлда бўлишди. Аммо бу сабаб бўла олмайди. Чунки бизда бошқа футболчилар ҳам бор эди.

- Нима учун захирадан иккита ўйинчини майдонга туширдингиз?

- Яна кимни туширишим мумкин эди? Бизга ҳужумда тезкорлик керак эди. Қанот ҳимоячи ўз вазифасини яхши бажармаётганди. Нотўғри, позиция танлангани учун улгурмаётганди. Иккита ўзгаришга қўл урдик. Шундан келиб чиқиб, бошқаларни алмаштиришга ҳожат йўқ эди.

- “Ғиждувон” аутсайдер. Рақиб ҳақида нима дейсиз?

- Улар майдонга чиқишди ва оддий ўйин кўрсатишди. Асосийси, рақибда қандайдир шижоат бор эди.