Виктор Кумиков: "Шунчаки, оддий ўйинчиларни олмаймиз"

“Андижон” – “Қизилқум” (3:2) ўртасидаги учрашувдан кейин жамоамиз бош мураббийи Виктор Кумиков ўз фикрлари билан ўртоқлашди.

“Мазкур назорат учрашувида биринчи навбатда ўйин амалиётига эга бўлиш учун барчага ўйнаш имкониятини бердик. Вазифани тўлиқ бажардик. Ғалабага бўлган ҳиссиётимиз бизга ютуқ олиб келди.

“Қизилқум” ҳақида гапирадиган бўлсам, Суперлига жамоаси ўз олдига совриндор бўлишни мақсад қилган. Яхши рақиб. Ажойиб ўйин кўрсатишди. Фақат биз юзага келтирган имкониятлардан фойдаландик.

Селекция ишларидаги режаларимиз хусусида гапирсам, агар бизнинг футболчиларимиздан юқори савиядаги ижрочи бўлса, таклиф қиламиз. Шунчаки, оддий ўйинчиларни олмаймиз. Ҳозирча Суҳроб Бердиев жамоамиз аъзосига айланди”, - деди Кумиков.

 “Андижон” матбуот хизмати.