Виктор Кумиковга Қозоғистондан таклиф тушди

“Андижон” клубини Суперлигага қайтарган россиялик тажрибали мутахассис Виктор Кумиковнинг хизматига қизиқиш билдираётган жамоалар бор.

Жумладан, қўшни Қозоғистон ОАВ тарқатаётган хабарга қараганда, Кумиковга “Қайсар” клубидан таклиф тушган. Ушбу жамоа жорий йилда Қозоғистон биринчи дивизионида иштирок этиб, мусобақа жадвалида 2-ўринни қўлга киритиб, кучлилар сафига йўл олди. Ҳозирда россиялик мутахассис билан музокаралар олиб борилмоқда.

Маълумот учун Виктор Балютович 2003 ва 2004 йилги мавсумларда “Қайсар” жамоасида бош мураббий бўлиб ишлаган. Қолаверса, яна қатор қозоқ жамоаларини ҳам бошқарганини яхши биламиз.

Кумиковнинг “Андижон” билан тузган шартномаси жорий мавсум охиригача мўлжалланган.