Viktor Kumikovning yangi klubidagi faoliyati uzoqqa cho‘zilmadi

Yodingizda bo‘lsa, yaqinda rossiyalik mutaxassis Viktor Kumikovning Belarus chempionatida ish boshlagani haqida xabar bergandik. Ya’ni, “Sputnik” jamoasi bosh murabbiyi etib tayinlangandi. Biroq ma’lum bo‘lishicha, Viktor Balyutovichning u erdagi faoliyati qisqa davom etgan.

Bu haqida murabbiyning o‘zi sports.uz muxbiriga xabar berdi. Ma’lum bo‘lishicha, “Sputnik” Kumikov boshchiligida uchta o‘yin o‘tkazib ikkita mag‘lubiyat va bitta durang qayd etgan. Viktor Balyutovichning ketishiga bir qator sabablar bor. Ayniqsa, klubdagi moliyaviy muammolar ijobiy tomonga o‘zgarmagan.

Ma’lumotlarga qaraganda, hozirda uning xizmatiga Belarusning boshqa klublari qiziqishmoqda. Qolaversa, Qozog‘istondan ham chorlovlar mavjud.

Eslatib o‘tamiz, Viktor Kumikov yurtimizda “Mash’al”, “Nasaf”, AGMK va “Andijon” klublarini boshqargan.