Винисиус агентлари “Реал” билан келишув ҳақидаги хабарлардан норози

Бразилиялик ҳужумчи Винисиус Жуниор ва унинг агентлари Мадриднинг “Реал” клуби билан амалдаги шартномасини узайтириш бўйича музокараларни бошлашга шошилмаяпти.

Яқинда матбуотда бразилиялик футболчи ва “Қироллик клуби” ўртасида деярли келишувга эришилгани ҳақида хабарлар тарқалган эди.

Журналист Рамон Альварес де Моннинг маълум қилишича, футболчининг атрофидагилар ёлғон ахборот тарқатилаётганидан норози.

26 ёшли футболчининг вакиллари “Реал” раҳбарияти унга янада яхшироқ шартларни таклиф қилмагунча, клуб билан ҳеч қандай музокара олиб бормасликка қарор қилган.

Винисиуснинг амалдаги шартномаси келаси йил ўртасида якунланади.

Ўтган мавсумда қанот ҳужумчиси Мадрид жамоаси сафида 53 та учрашув ўтказиб, 22 та гол урди ва 14 та голли узатма амалга оширди.