Винисиус мундиалдан кейин “Реал”ни тарк этиши кутиляпти

Мадриднинг “Реал” клуби ҳужумчиси Винисиус Жуниор бу ёзда клубни тарк этиши мумкин.

Журналист Рамон Альварес маълумотига кўра, “Реал” раҳбарияти футболчи билан шартномани узайтириш эҳтимоли тобора камайиб бораётганини тасдиқлади. Қолаверса, янги бош мураббий Жозе Моуриньо ҳам Винисиусни тезроқ сотиб юбориш тарафдори.

Клуб президенти Флорентино Перес истаса Винисиуснинг молиявий талабларини қондириши мумкин, аммо ҳозирча бундай қарор қабул қилишга тайёр эмас.

Шунингдек, клуб раҳбарияти ёзда барча томонларни қониқтирадиган таклиф билан чиқиши мумкин бўлган жамоа пайдо бўлишини ҳам истисно қилмаяпти. Бироқ Винисиуснинг келажаги бўйича якуний қарор ҳали қабул қилинмаган.

Ҳозирда бразилиялик футболчи жаҳон чемпионатида ўз миллий терма жамоаси йиғинида иштирок этмоқда.