Винисиус “Реал”нинг трансфер сиёсатига бевосита таъсир ўтказмоқда

Бразилиялик ҳужумчи Винисиус Жуниорнинг келажаги “Реал” клубининг ёзги трансфер режаларига тўғридан-тўғри таъсир кўрсатмоқда. Агар унинг шартномаси узайтирилса, клуб ушбу ёзда йирик трансферлардан воз кечишига тўғри келади.

Бу ҳақда Ok Diario  нашри хабар берди.

Манбага кўра, Винисиуснинг ўзи жамоада қолишни хоҳлайди ва унинг вакиллари музокараларни қайта бошлаш ниятида. Клуб раҳбарияти ҳам ҳамог уни узоқ муддатли лойиҳанинг асосий ўйинчиларидан бири сифатида кўрмоқда.

Аммо янги шартнома бўйича келишувга эришилмаса, “Реал” 2027 йилда уни текинга йўқотиб қўймаслик учун трансферга қўйишига тўғри келади.

“Қироллик клуби” Винисиуснинг ўрнига ҳозирдан номзод топиб қўйган. Мадрикликлар трансфер рўйхатига “Манчестер Сити” тўпурари Эрлинг Холанд ва “Атлетик” етакчиси Нико Уильямсни киритгани айтилмоқда.

Жорий мавсумда Винисиус «Реал» сафида барча турнирларда 20 та ўйин ўтказиб, 5 та гол ва 7 та голли узатма қайд этди.

Футболчининг амалдаги шартномаси 2027 йил ёзигача амал қилади. Transfermarkt маълумотларига кўра, унинг бозор қиймати 150 миллион еврони ташкил қилади.