Винисиусни Европада изини ҳам қолдирмаймиз

Бразилиянинг энг машҳур клубларидан “Фламенго” раҳбарияти Мадриднинг “Реал” жамоасидан ҳужумкор футболчи Винисиус Жуниорни қайтариб олиш ташаббуси билан чиқди.

Бу ҳақда Mundo Deportivo нашрига Бразилия клубининг спорт директори Хосе Брото маълум қилган.

Манбага кўра, “Фламенго” раҳбарияти яқинда жамоага “Астон Вилла”дашн Лукас Пакетани олиб келганидан сўнг, навбатдаги асосий трансфер нишони сифатида Винисиусни белгилади.

Хосе Брото айтишича, агар футболчи “Реал” билан шартномасини узайтирмасликка қарор қилса, клуб уни эркин агент сифатида қўлга киритиш имкониятини кўриб чиқишга тайёр.

- Винисиус учун эшикларимиз доимо очиқ. Унинг шартномаси тугаяпти, шунинг учун биз “Реал”га ҳеч нарса тўламай уни қўлга киритамиз, - деди спорт директори.

Винисиуснинг Мадрид клуби билан амалдаги шартномаси 2027 йилнинг ёзигача амал қилади. Машҳур юлдуз “Фламенго” академияси тарбияланувчиси ҳисобланади ва 2018 йилда 45 миллион евро эвазига “Қироллик клуби”га кўчиб ўтишдан олдин Бразилия клубининг асосий таркибида ўйнаган.

Винисиус “Фламенго” сафида  69 та ўйин ўтказиб, 14 та гол урган ва 5 та голли узатма берган.