Винисиуссиз жамоа яхши ҳаракат қилмоқдами? Анчелотти жавоб берди. (Матбуот анжумани)

"Реал Мадрид" бош мураббийи Карло Анчелотти "Вильярреал"га қарши баҳсдан аввал матбуот анжуманида иштирок этди. Мутахассис бўлажак учрашув ва Винисиус ҳақида гапирди. 
 
"Биз ҳали ҳам ривожланиб, яхшиланиб бораяпмиз. Эртага ўзимизни яхши ҳис қиламиз, деган умиддаман. "Атлетико"га қарши қийин ўйиндан кейин бироз вақт ўтди ва тикланишга улгурдик. 
 
Винисиус машғулотларда қатнашмади? Унда ҳаммаси яхши эди, фақатгина бироз чарчаган. У эртага тайёр бўлади, унда ҳеч қандай муаммо йўқ, фақат чарчоқ бор, холос. 


  
Биз Асенсионинг терма жамоага чақирувини нишонладик. Бу жуда яхши янгилик, у бунга лойиқ. Унга энг яхши тилакларимни тилайман. 
   
Винисиуссиз яхшироқ ўйнаяпмизми? Бемаънилик. Винисиус жуда муҳим футболчи, биз буни муҳокама қилмаймиз ҳам. У бизга кўплаб совринлар олиб келди ва кўплаб муҳим ўйинларда ғалаба қозонишимизга ёрдам берди. У бу клуб учун кўп иш қилди ва бундан ҳам кўпроқ нарсани қила олади. 
  
Тақвим туфайли гавжум мавсум бўлмоқда. 2025 йилда биз 22 та ўйин ўтказдик. Январь ойидан бери ҳар 3 кунда майдонга тушдик. "Ақл бовар қилмайди. 


 
Бу март ва биз ҳали ҳам учта чемпионлик учун курашяпмиз - менимча, биз ёмон ишламаяпмиз" - деди италиялик мутахассис. 
 
Маълумот ўрнида, икки клуб ўртасидаги беллашув бугун Тошкент вақти билан 22:30 да старт олиши режалаштирилган.