Вирц "Ливерпуль"нинг асосий ва энг қийин вазифасини айтди

"Ливерпуль" ҳужумкор ярим ҳимоячиси Флориан Вирц "Байер"дан трансфер учун мерсисайдликлар тўлаган сумма унга қўшимча босим ўтказмайдими, деган саволга жавоб берди. Трансфермаркт порталида келтирилган маълумотларга кўра, "қизиллар" 22 ёшли хавбекни сотиб олиш учун 125 млн евро сарфлаган.

- Йўқ, бу ҳақда ўйлаётганим йўқ. Шунчаки футбол ўйнашни истайман, клублар бир-бирига қанча тўлашининг аҳамияти йўқ.

Асосий вазифа - яна чемпионликни қўлга киритиш ва бу энг қийини. Шунинг учун вазиятлар яратишга, шунингдек, тўпсиз ишлашга ҳаракат қиламан, чунки кўп югуришим мумкин ва буни жамоа ўйинига олиб киришга ҳаракат қиламан. Шунингдек, тўпга эгалик қилганимда жамоа ўйинини яхшилаш ва жамоадошларимга ёрдам бера олишимга умид қиламан", - дея Вирцнинг сўзларини келтиради The Times.