Виталий Левченко: "Ҳақиқат шуки, таблодаги ҳисоб ўйинга мос бўлди"

Суперлиганинг 1-туридан ўрин олган “Бунёдкор” – “Нефтчи” (2:2) учрашувидан сўнг меҳмонлар устози Виталий Левченко ОАВ ходимларининг саволларига жавоб қайтарди.

"Мавсумнинг биринчи ўйини эди, табиийки дастлабки дақиқаларда майдонда бироз ҳаяжон ва саросима кузатилди. Ўтказиб юборилган голдан кейин ўзимизга келдик ва ҳисобда олдинга чиқиб олдик. Аммо устунликни рақибга топшириб қўйдик. Натижада майдон эгалари ҳисобни тенглаштирди. Футболчи ғалаба қозонаётганида албатта натижа учун ҳаракат қилади, бу руҳият билан боғлиқ. Ҳисобда олдинда бўлган вазиятимизда ўз ўйинимизни кўрсатишда давом этишимиз керак эди. Ҳақиқат шуки, таблодаги ҳисоб ўйинга мос бўлди. 
  
Мавсум аввалида “Бунёдкор” таркибига яхши савиядаги футболчилар қўшилганини айтишимиз мумкин. Бугунги ўйин стадионга ташриф буюрган мухлисларга ёқди, деб ўйлайман".