Водий дербисида юбилей ўйин ёхуд "Нефтчи" - "Андижон" тўқнашуви олдидан

7-турнинг марказий ўйини сифатида қаралаётган “Нефтчи” – “Андижон” ўртасидаги учрашувга дарҳақиқат қизиқиш ниҳоятда юқори даражада. Ушбу водий дербиси олдидан клубларнинг Ўзбекистон чемпионатлари тарихидаги ўзаро учрашувлар статистикасига тўхталмоқчимиз.

Навбатдаги тўқнашув бу жамоаларнинг юбилей 50-ўйинига айланади. Илк водий дербиси 1992 йилнинг 7 май куни бўлиб ўтган. Фарғонадаги баҳсда майдон эгаларининг қўли баланд келган – 2:0. Андижонликларнинг ушбу рақиби устидан илк ғалабаси 1995 йилга тўғри келади. Ўша йилнинг 3 июнь куни Андижондаги баҳсда жамоамиз 2:0 ҳисобида ғалаба қозонган.

Ўтган йили ҳар иккала ўйин ҳам Фарғонадаги “Истиқлол” стадионида ўтказилган. У пайтда “Бобур арена” чими янгиланаётгани сабабидан “Андижон” вақтинча уй учрашувларини Фарғонадаги “Истиқлол” стадионидан фойдаланиб турган. Биринчи даврада “Нефтчи” 2:0 ҳисобида ғалаба қозонган. Иккинчи даврада 0:0 кузатилган.

Ўзаро баҳсларда “Нефтчи” 33 та ғалабани қўлга киритган. “Андижон”да эса 10 та ғалаба бор. 6 та баҳсда дуранг қайд этилган.Тўплар нисбати 95х43 фарғоналиклар фойдасига.

Фарғонадаги охирги 5 та ўйин натижалари

2023 йил “Нефтчи” – “Андижон” – 0:0

2020 йил “Нефтчи” – “Андижон” – 1:3

2016 йил “Нефтчи” – “Андижон” – 1:2

2015 йил “Нефтчи” – “Андижон” – 0:1

2014 йил “Нефтчи” – “Андижон” – 1:0

"Андижон" матбуот хизмати.