"Вольфсбург" 29 йилдан кейин Бундеслигани тарк этди

"Вольфсбург" Германия иккинчи дивизионига тушиб кетди.

Дитер Хеккинг шогирдлари Бундеслигада қолиш учун ўтказилган жавоб ўйинида меҳмонда "Падерборн"га 1:2 ҳисобида мағлуб бўлди. Биринчи учрашув 0:0 ҳисобида якунланган эди.

Меҳмонлар ҳужумчиси Женан Пейчинович 3-дақиқада ҳисобни очди. Бироқ “Падерборн” Филип Билбия ва Лаурин Курда голлари эвазига камбэк амалга оширди.

“Бўрилар” 14-дақиқадан бошлаб бир киши кам бўлиб ҳаракат қилди — Йоаким Мэле икки сариқ карточка олиб, майдонни тарк этди.

Шу тариқа, “Вольфсбург” 1996/97 йилги мавсумдан бери илк бор Германия иккинчи дивизионида иштирок этадиган бўлди. Клуб 1997 йилда тарихида биринчи марта элитага чиққан ва шу кунгача Бундеслигани тарк этмаган эди.

“Вольфсбург” 2008/09 йилги мавсумда Германия чемпиони бўлган, 2015 йилда эса мамлакат Кубоги ва Суперкубогини қўлга киритган.

“Падерборн” эса олти йиллик танаффусдан кейин яна Бундеслигага қайтди.