"Вулверхэмптон" ўзини АПЛ чемпиони, деб эълон қилди (ФОТО)

"Вулверхэмптон" клуби матбуот хизмати ушбу жамоани АПЛнинг 2018/2019 йилги мавсум чемпиони, деб эълон қилди.

Айтиш лозимки, 2018/2019 йилги мавсумда "Вулверхэмптон" 7-ўринни эгаллаган эди. Улар ўшанда "Манчестер Сити", "Ливерпуль", "Челси", "Тоттенхэм", "Арсенал" ва "Манчестер Юнайтед"дан кейинги поғонани эгаллаган. Ушбу жамоаларнинг барчаси янги ташкил этилган Европа Суперлигаси иштирокчиси бўлди.

УЕФА ушбу клубларга турли санкциялар қўллашини маълум қилди. Жумладан, Суперлига клублари миллий чемпионатлардан чиқариб ташланади ва уларда тўп сураётган футболчилар халқаро мусобақаларда иштирок эта олмайди.

Айни дамда Европанинг 12 та клуби Суперлигада ўйнашга розилик билдирган. Улар сафи янада кенгайиши кутилмоқда.