ВХЛ. "Ҳумо" буллитлар сериясида мағлуб бўлди

Тошкентнинг "Ҳумо" жамоаси ўз майдонида Москванинг "Звезда" клубини қабул қилди. Учрашув асосий вақти ва овертаймида кучлар тенг келди - 2:2. Ғолибни аниқлаш учун буллитлар сериясига мурожаат этилди. "Хоккей лотереяси"да эса омад меҳмонларга кулиб боқди.

Шу тариқа, "Звезда"нинг ғалабали серияси 11 та ўйинга етди. Эслатиб ўтамиз, Москвада кечган дастлабки беллашувда мезбонлар 7:2 ҳисобидаги йирик ғалабани қўлга киритишган эди.

Маълумот учун, эртага соат 19:30 да мазкур жамоалар ўртасидаги иккинчи ўйин бўлиб ўтади.

Фикрлар

Фикр қолдириш учун авторизациядан ўтинг!