WBA tashkiloti Isroil Madrimovning chempionlik jangi uchun ochiq promouterlik auktsionini e’lon qildi

Professional boksning super yarim o‘rta vazn toifasida (-69,8 kg) majburiy da’vogar hisoblangan Isroil Madrimov (7-0, 5KO) va ushbu vaznda WVA Gold chempioni Mishel Soro (35-2-1, 24KO) jangini tashkil etish uchun tashkilot tomonidan ochiq promouterlik auktsioni e’lon qilindi. Promouterlik savdori 23 avgust kuni bo‘lib o‘tishi belgilangan. Bahsni o‘tkazish huquqini qo‘lga kiritish uchun promouterlik kompaniyasi kamida 125 ming dollar (60 foiz chempionga, 40 foiz da’vogarga) miqdorda to‘lov taklif qilishi kerak.