WBC Мэнни Пакьяо учун чемпионлик жангини ташкил қилмоқчи

WBC президенти Маурисио Сулаймон афсонавий Мэнни Пакьяо учун чемпионлик жангини ташкил этишга тайёрлигини айтди.

 "Пакьяо ҳақиқий афсона. Бизда собиқ чемпионлар барча тиббий кўриклардан муваффақиятли ўтиш шарти билан қайтишлари мумкин, деган қоидалар бор. Менга бу ғоя жуда ёқади. Шундай экан, Пакьяода WBC чемпионлиги учун курашиш имконияти бор. Менимча, Мэнни исталган рақибни мағлуб эта олади ёки ҳеч бўлмаганда, ажойиб рақобат қилиб бера олади", - дея Сулеймандан иқтибос келтиради Sky Sports.

Эслатиб ўтамиз, Пакьяо сўнги жангини 2021 йил Йорденис Ургасга қарши ўтказиб, имкониятни бой бериб қўйганди.