World Boxing кубоги. 3 нафар боксчимиз финалга йўл олди

Ҳиндистоннинг Нью-Деҳли шаҳрида World Boxing ташкилоти кубоги баҳсларининг сўнгги финал босқичи бўлиб ўтмоқда. Бугундан ярим финалллар старт олди. Бироз аввал куннинг 1-дастур жанглари ҳам ниҳоясига етди. 

-50 кг вазнда бўлиб ўтган ярим финалда, Асилбек Жалилов япониялик Соуши Макинони 5:0 ҳисобида енгди;

Самандар Олимов -55 кг вазнда япониялик  Руи Ямагучидан 5:0 ҳисобида устун келди;

-85 кг вазнда Жасурбек Йўлдошев мезбон Жугноони 5:0 ҳисобида мағлубиятга учратди;

Бироздан сўнг, 2-дастур жанглари давом эттирилади. Бу ҳақда Ўзбекистон бокс федерацияси хабар бермоқда.