WTT Singapore Smash. Фан Зендонг Олимпиададаги мағлубият учун Ма Лонгдан реванш олди

Сингапурда "WTT Singapore Smash" мусобақасининг финал учрашувлари бўлиб ўтди.

Ҳал қилувчи баҳсда Хитой вакиллари Фан Зендонг ва Ма Лонг тўқнаш келди. Қизиқарли ва ажойиб кечган баҳсда Фан рақибини 4:3 ҳисобида мағлуб этди ва чемпионликни қўлга киритди.

Шу тариқа, стол тенниси устаси Токио-2020 ёзги Олимпия ўйинларидаги мағлубияти учун реванш олишга эришди. Ўшанда Ма Лонг ҳамюртидан 4:2 ҳисобида устун келганди.