Хаби Алонсо Англия грандини бошқаришга тайёр

Мураббийлик фаолиятида Леверкузеннинг “Байер” ва Мадриднинг “Реал” каби машҳур жамоаларини бошқарган Хаби Алонсо узоқ вақт ишсиз қолмайдиган кўринади.

Яқинда “Реал” бош мураббийлигидан истеъфога чиқарилган испаниялик мутахассисни бир неча клуб ишга таклиф қилаётгани ҳақида хабарлар тобора кўпайиб бормоқда.

Indykaila News нашрининг ёзишича, Хаби Алонсо Англиянинг амалдаги чемпиони “Ливерпуль”ни бошқаришга тайёр. 

Алонсо бу борада ўз имкониятларига таянган ҳолда клубда ҳозир мавжуд футболчилардан фойдаланган ҳолда “Ливерпуль”да жаҳон даражасидаги кучли жамоа тузишга қодир эканига ишонади.

Айни пайтда “Ливерпуль”ни бошқараётган Арне Слотнинг клубдаги келажаги мавҳум бўлиб турибди. Мерсисайдликлар билан дебют мавсумидаёқ Англия Премьер-лигаси ғолиблигига эришган мутахассис янги чемпионатда чемпионлик унвонини муносиб ҳимоя қила олмади.