Хаби Алонсо нега Мбаппе ўйнамаганини айтди

Мадриднинг "Реал" клуби бош мураббийи Хаби Алонсо Клублар ўртасидаги Жаҳон чемпионати гуруҳ босқичи биринчи турида "Ал-Ҳилол"га қарши ўйинда Килиан Мбаппенинг йўқлигига  қисқа изоҳ берди.

Француз футболчиси касалликдан тўлиқ тиклана олмади ва ҳатто захира ўриндиғига ҳам киритилмади. Янги бош мураббий қўл остидаги дебют учрашувда "қаймоқранглилар" юлдузли ҳужумчисиз 1:1 ҳисобида дуранг натижа қайд этди.

"Мбаппенинг йўқлиги? Сўнгги икки кун ичида ўзини ёмон ҳис қилди. Кейин нима бўлишини кўрамиз", — деди Хаби Алонсо ўйиндан кейинги матбуот анжуманида.

22 июнь куни "Реал" Мексиканинг "Пачука" клубига қарши майдонга тушади. 27 июнь эса Австриянинг "Ред Булл Залцбург" жамоасига қарши баҳс бўлиб ўтади.