Хабиб Нурмагомедов Абдуқодир Ҳусанов ва Пеп Гвардиола ҳақида ҳазиломуз фикр билдирди

UFC нинг енгил вазн тоифасидаги собиқ чемпиони Хабиб Нурмагомедов АПЛнинг 20-тури доирасида бўлиб ўтган "Манчестер Сити" — "Челси" учрашувини (1:1) стадиондан томоша қилди.

Нурмагомедов ўйин давомида "Манчестер Сити" ҳимоячиси ва Ўзбекистон миллий терма жамоаси аъзоси Абдуқодир Ҳусановнинг захирадан майдонга тушиши билан боғлиқ эпизодга ҳазиломуз изоҳ қолдирди. Ушбу вазият ҳақида у ўзининг Telegram каналида қуйидагича ёзди:

"Менга жуда ҳам қизиқ – улар қайси тилда гаплашётган эди: Пеп ўзбек тилини билмайди, Ҳусанов эса инглиз тилини."