Хабиб Нурмагомедовнинг папахалари кимошди савдосига қўйилади

Telegram асосчиси Павел Дуров ММА афсонаси Хабиб Нурмагомедовнинг машҳур папахалари кимошди савдосига қўйилишини маълум қилди.

"Хабибнинг анъана, эркинлик ва ҳурмат рамзи бўлган афсонавий папахалари бугун аукционида сотилади. 29:0 рекордга эга жангчи айтганидек, булар оддийгина қимматбаҳо нарса эмас, балки, мазмунли ҳаётнинг бир тасвиридир", - деб ёзди Дуров ижтимоий тармоқдаги саҳифасида.

Эслатиб ўтамиз, Хабиб Нурмагомедов охирги жангида Жастин Гэтжига қарши октагонга кўтарилиб, 2-раундда сабмишн орқали ғалаба қозонганди.