Хадсон-Одои учун курашга "Манчестер Юнайтед" ҳам қўшилди

Лондоннинг “Челси” клуби ярим ҳимоячиси Каллум Хадсон-Одои яна бир гранд клубнинг қизиқишлар доирасига кириб қолди.

Daily Mail нашри тарқатган хабарга кўра 18 ёшли Англия терма жамоаси аъзоси учун “Бавария”, “Боруссия” Дортмунд ва “Ливерпуль” каби жамоалардан ташқари шунингдек “Манчестер Юнайтед” клуби ҳам курашга қўшилди.

Эслатиб ўтамиз, “аристократлар” қишки трансферлар даврида “Бавария”нинг Хадсон-Одои бўйича юборган 35 млн евролик таклифини рад этишган эди.

Маълумот учун, Хадсон-Одои жорий мавсум “Челси” сафида бор йўғи 1та ўйинда майдонга тушди. Унинг клуб билан амалдаги шартномаси эса 2020 йилга қадар имзоланган.