Халқаро Олимпия қўмитаси президенти спортчиларга мурожаат қилди
Мусобақалар келаси йил ўтказилади.
Халқаро Олимпия қўмитаси президенти Томас Бах Токио-2020 ёзги Олимпия ва Паралимпия ўйинларининг бир йилга кечиктирилиши борасида бутун дунё спортчиларига ўз мурожаатини йўллади.
“Қадрли атлетлар! Аввало, хушхабарни етказмоқчиман. Токиода ўтадиган Олимпия байрамини биргаликда нишонлайдиган бўлдик. Ҳатто у 2021 йил ўтса ҳам. Ишончингиз комил бўлсинки, Сизларнинг Олимпия орзуйингиз, албатта, амалга ошади”, – деди Томас Бах ўз мурожаатида.
Эслатиб ўтамиз, кеча Томас Бах Япония Бош вазири Синдзо Абэ билан ўтказган мулоқотида Токиода ўтадиган Олимпия ўйинларини 2021 йилга кўчириш борасида келишиб олган эди.
Манба: olympic.uz
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар