Хамес Родригес
Ads

Колумбиялик ярим ҳимоячи Хамес Родригес расман “Бавария”дан кетди. Бу ҳақда клуб расмий сайти хабар тарқатмоқда.

“Мен клубдагилар ва мени ҳамиша қўллаб-қувватлаб турган барча мухлисларга миннатдорчилик билдирмоқчиман. Мен Мюнхенда икки унутилмас йилларни ўтказдим. Мен бу ерда ҳамиша ўзимни худди ўз уйимдагидек ҳис қилдим. Бу ерда менинг ажойиб хотираларим қолади. “Бавария”га эса энг яхши тилакларимни тилайман”, - дейди Хамес.

Эслатиб ўтамиз, 27 ёшли футболчи сўнги икки мавсумни “Бавария” сафида ижара асосида ўтказди. Ўтган давр мобайнида у жами 67та ўйинда майдонга тушди ва 15та гол ҳамда 20та голли узатмага муаллифлик қилди.

Унинг “Реал” билан шартномаси 2021 йилга қадар имзолангн. Шу боис энди у яна Мадридга қайтади.