Хамес Родригес бугун "Наполи" президенти билан учрашади

Мадриднинг "Реал" клуби ярим ҳимоячиси Хамес Родригес бугун "Наполи" клуби раҳбарияти билан учрашади. Бу ҳақда Il Mattino нашри хабар тарқатмоқда.

Колумбиялик футболчи шахсан жамоа президенти Аурелио Де Лаурентис билан учрашиши айтилмоқда. Хамесга агенти Жорже Мендеш ҳамроҳлик қилади. Музокаралар Капри оролида бўлиб ўтиши белгиланган.

Эслатиб ўтамиз, бундан аввалроқ Хамеснинг ўзи ҳам собиқ устози Карло Анчелотти бошқарувидаги “Наполи”га ўтиш истагида эканлиги ҳақида гапириб ўтган эди.