Хамес Родригес карьерасини В Серияда давом эттириши мумкин

Колумбия терма жамоаси собиқ етакчи яримҳимоячиси Хамес Родригес яна Италия чемпионатига йўл олиши мумкин. Мадриднинг «Реал» ва Мюнхеннинг «Бавария» клубларидаги ўйинлари орқали жаҳонга танилган футболчига А Сериядан бир поғона пастдаги мусобақада иштирок этадиган жамоа қизиқиш билдирган.

Инсайдер Маттео Моретто тарқатган маълумотларга кўра, 35 ёшли Родригесга «Авеллино» клуби таклиф йўллаган. Серия Вда ҳаракат қиладиган бу жамоа колумбиялик футболчига бир йиллик шартнома таклиф этмоқда. Шу билан бирга, клуб элита – А Серияга кўтарилган тақдирда, келишувни узайтириш имконияти ҳам назарда тутилган. Ҳозирча Хамес Родригес эркин агент мақомида, яъни ҳеч қайси клуб билан шартномаси йўқ.

Эслатиб ўтамиз, тажрибали яримҳимоячининг сўнгги жамоаси МЛС лигасида иштирок этувчи «Миннесота Юнайтед» клуби бўлган.