Ханчжоу-2022: Рустам Жангабаев яна бир бор Осиё ўйинлари совриндорига айланди!

Бундан бироз аввал эркаклар ўртасида +109 кг вазн тоифасида баҳслар якунланди.

Қувонарлиси унда иштирок этган ҳамюртимиз Рустам Жангабаев даст кўтаришда 190, силтаб кўтаришда 233, умумий ҳисобда 423 кг натижа қайд этди ва учинчи ўринни эгаллади. Шу тариқа Рустам Жангабаев Осиё ўйинларида делегациямиз ҳисобига навбатдаги бронза медални қўштириб қўйди.

Эслатиб ўтамиз, Рустам Жангабаев 2018 йил Индонезияда бўлиб ўтган Осиё ўйинларида ҳам бронза медалига сазовор бўлган эди.