Xaver Mendes: “Islom Maxachev yangi vazn toifasida hayratlanarli darajada kuchli ko‘rinmoqda”

AKA zalining asoschisi va mashhur murabbiy Xaver Mendes o‘z shogirdi Islom Maxachevning jismoniy formasi va tayyorgarligidan hayratda qolganini aytdi. 

“Lagerga bir oycha oldin kelganimda Islomni ko‘rib hayratda qoldim. U haqiqatan ham ajoyib formada edi. Maxachevning mashg‘ulotlarini kuzatar ekanman, uning qanday o‘sayotganiga guvoh bo‘ldim. U bilan ilk sparringni o‘tkazganida esa butunlay lol edim. U yangi vaznga ajoyib tarzda moslashibdi”, — dedi Mendes "MMA Junkie" You Tube kanaliga bergan intervyusida.

Ma’lumot uchun, Islom Maxachev ilgari engil vazn (70 kg) toifasining chempioni edi. Biroq endi u 77 kg da o‘zini sinab ko‘rmoqchi. Agar rossiyalik 16 noyabr kuni "UFC 322" turnirida Jek Della Maddalena ustidan g‘alaba qozonsa, yarim o‘rta vaznda chempionga aylanadi.