Хави: "Анчелоттига бўлган танқидлар – ноинсофлик"

"Барселона"нинг собиқ бош мураббийи Хави Эрнандес Карло Анчелоттига нисбатан танқидлар ҳақида фикр билдирди ва келажакдаги режалари ҳақида гапирди.

"Мен ҳозирча шошилмаяпман, аммо яхши лойиҳа олишни хоҳлардим. Мана масалан: “Сенга тўрт йил вақт, лойиҳани ривожлантир”, – десалар, мамнуният билан иш бошлардим. АПЛда ишлашни истардим, у ердаги муҳит жуда ёқади. Испанияда эса фақат натижага қарашади.

Қаранг, Анчелоттига нима бўляпти. Ҳамма уни танқид қиляпти. Бу – адолатсизлик. У 10 йилда 30 та соврин ютиб олди. Уни шундай танқид қилишяптики, гўё у ҳеч нарса ютиб олмаган. Эрнесто Вальверде жуда яхши айтган: “Агар Анчелоттини танқид қилишса, қолганлар нимани умид қилиши мумкин?”

Испанияда босим жуда кучли, айниқса "Барса" ва "Реал"да. Масалан, Мареска бошқарувидаги "Челси" – яхши лойиҳа. Артета бошқарувидаги "Арсенал" ҳам шундай. У аллақачон олти йилдан бери ишлаяпти. Қийин мавсумлар бўлди, лекин клуб унга ишонди ва ишни давом эттирди. Испанияда эса бундай бўлмайди" – дея ўз фикрларини билдирди каталонияликларнинг собиқ бош мураббийи.