Хави “Барса” афсонасини ҳайдаяпти

Sport.es сайтининг хабар беришича, “Барселона” бош мураббийи Хави Эрнандес жамоа юлдузларидан бири Жерар Пикедан тезроқ қутилишга ҳаракат қилмоқда.

Бош мураббийга 35 ёшли ҳимоячининг мунтазам норозилик билдираётгани ва эътироз қилаётгани ёқмаяпти. Шу боис, Хави Пикени ўз жамоасида кўрмоқчи эмас.

Жерар Пике 2008 йилдан бери каталонияликлар шарафини ҳимоя қилмоқда. Унинг амалдаги шартномаси 2024 йилнинг ярмигача давом этади.

Аввалроқ, “Барса” нишонида турган Лионель Месси жамоада Жерар Пике бўлса, Каталонияга қайтмаслигини билдирганди.