Хави Бернарду Силвани ёзги трансфер мақсадлари рўйхатидан олиб ташламаган
"Барселона" бош мураббийи Хави Эрнандес ўз таркибини "Манчестер Сити" ярим ҳимоячиси Бернарду Силва билан кучайтирмоқчи. "Diario AS" нашри хабарига кўра, испаниялик мутахассис кейинги трансфер ойнасида португалияликни ўз жамоаси сафига қўшиб олишга умид қилмоқда.
Бернардунинг ўзи "Барселона"га ўтишга қарши эмас ва бу ҳақда аввалроқ айтиб ўтган эди. Бироқ, "Манчестер Сити"нинг 60 миллион еврога сотиб олиш талаби шартномани қийинлаштирмоқда.
"Барселона" келаси ёзда трансферни амалга ошириш учун сўралган суммани камайтиришга ҳаракат қилади.
Фикрлар