Хави "Порту" футболчисини талаб қилмоқда!

Айни дамда "Порту"да ҳаракат қилаётган аргентиналик ярим ҳимоячи Алан Варела Испания топ-клубида ишлаш имкониятига эга. Бу ҳақда "Todofichajes" нашри хабар бермоқда.

Манбага кўра, Каталониянинг "Барселона" клуби бош мураббийи Хави Эрнандес 22 ёшли жанубий америкалик футболчини ўз жамоасига қўшиб олмоқчи. "Кўк-анорранглилар" қишки трансферлар ойнасида Вареланинг трансферини амалга оширишга ҳаракат қилади.

Аланнинг "аждарлар" билан шартномаси 2028 йилгача мўлжалланган. Унинг трансфер нархи 12 миллион еврога баҳоланмоқда.

Португалия чемпионатининг жорий мавсумида Варела бешта ўйин ўтказди.