Xaviga yoqsa ko‘proq o‘ynaydi

“Barselona” rahbariyati bosh murabbiy Xavi Ernandes yoqtiradigan futbolchi Alexandro Baldega yangi shartnoma berishga qaror qildi.

Chap qanot himoyachisi ichki raqobatda Jordi Alba va Markos Alonso kabi tajribali o‘yinchilarni ortda qoldirdi va asosiy tarkibdan muqim joy egallay oldi.

Baldening kataloniyaliklar bilan amaldagi shartnomasi 2024 yilning yarmida yakunlanadi. Klub xo‘jayini Joan Laporta o‘yinchi qo‘ldan chiqib ketmasligi uchun uning agenti Jorje Mendesh bilan uchrashib, hamkorlikni davom ettirishni taklif qildi.

18 yoshli futbolchi “Barselona” tarbiyalanuvchisi hisoblanadi. U joriy mavsum La liga va Chempionlar ligasida jami to‘qqizta uchrashuvda maydonga tushdi.