Хайрулла Бозоров "Нефтчи"да йиғилиш ўтказди. "Турон" билан ўйиндаги тартибсизликлар учун бош мураббий лавозимидан озод этилди

Жорий йилнинг 1 декабрь куни ўтказилган "Нефтчи" - "Турон" учрашувидаги тартибсизликлар келиб чиққан ҳолат юзасидан, бугун "Нефтчи" ФК қароргоҳида йиғилиш бўлиб ўтди. Йиғилишга Фарғона вилояти ҳокими Хайрулла Бозоров раислик қилди. Бу ҳақда клуб матбуот хизмати хабар берди.

photo_2020-12-05_18-53-42

Йиғилишда шунингдек, вилоят ҳокимининг спорт ва туризм ишлари бўйича маслаҳатчиси Ҳ.Аҳмедов, Фарғона шаҳар ҳокими ўринбосари Ф.Абдиллазов, Фарғона НҚИЗ директори ўринбосари Б.Мўминов, "Нефтчи" ФК бош директори З.Ғофуров ҳамда Фарғона вилоят футбол ассоциацияси биринчи вице президенти Н.Отақўзиев қатнашди.

Вилоят ҳокими Х.Бозоров йиғилиш қатнашчиларини кун тартибидаги масалалар билан таништириб ўтди. Йиғилишда 2020 йил 1 декабрь куни ўтказилган "Нефтчи" - "Турон" беллашувида "Нефтчи" жамоаси футболчиларининг ўйинни бошқарган ҳакамларга нисбатан қилган қўполликлари туфайли юзага келган тартибсизликлар натижасида футболга хос бўлмаган ҳолат бўлганлиги, жамоа масъул ходимлари клуб футболчиларини ўйинга етарлича жисмонан ва руҳан тайёрлашда сусткашликка йўл қўйганлиги, тартибсизлик келтириб чиқарган футболчиларга нисбатан қонунда белгиланган тартибда тегишли чоралар кўрилганлиги ҳақида гапирилди.

photo_2020-12-05_18-53-47

Шунингдек, келгусида "Андижон" ФК билан бўлиб ўтадиган ўйинга етарлича тайёргарлик кўриш ҳамда ижобий натижа кўрсатиш бўйича "Нефтчи" футбол клуби масъулларига тегишли кўрсатма ва топшириқлар бериб ўтди.

Йиғилишда ташкилий масала ҳам кўриб чиқилди. "Нефтчи" ФК масъул ходимлари футболчиларини ўйинга етарлича жисмонан ва руҳан тайёрлашда сусткашликка йўл қўйганлиги учун бош мураббий А.Дурмонов эгаллаб турган лавозимидан озод этилди.

Фикрлар

Саралаш
Фикр қолдириш учун авторизациядан ўтинг!
&
Shaymardonov Nurbek Nasimovich
05/12/2020 20:52
nima balov. stadiyonga ugirlik buldimi yoki boshqa narsa buldimi. Aybdorlarni topish qiyin bulsa. hammasi kurinib turibtiki. hammasi oddiy. 1 chisi. Organ Hodimlari. uyin tugashi bilan kelib. sudiyani urap olsa buldi edi. keyingisi Murabbiy uyinchilarni tahlap olmagan. ayni yahshilap uqitish kerak edi. hali yana imkoniyat bor deb. keyin. murabbiy va yordamchilari qerga qaradi. nima bulsa ham. Neftchini fudbolimizdan. 1.2 yil tushurib yuborishmasa buldi chunki. uyinchila. bir beri bilan emasda ochiqchasiga sudiya bunoqa hijim qilish. yomon.
Жавоб ёзиш