Туриннинг "Ювентус" клуби ярим ҳимоячиси Сами Хедира португалиялик жамоадоши Криштиану Роналдуни мақтади.

“Роналду – ажойиб футболчи ва ажойиб инсон. Мен у билан “Реал”да 5 йил, “Ювентус”да 2 йил, жами 7 йил бирга ўйнадим. Унинг фазилатлари ва амбицияларини инобатга олиб айтадиган бўлсам, у тарихдаги энг яхши футболчилардан бири.

Криштиану ҳар доим, ҳатто машғулотларда ҳам ғалаба қозонишга интилади. У барча инсонлар ва футболчилар учун ўрнак бўла олади”, - дейди германиялик футболчи.

Роналду “Ювентус” сафига 2018 йилнинг ёзида “Реал”дан кўчиб ўтган эди. У ўтган давр мобайнида 75 та ўйинда майдонга тушди ва ўз ҳисобига 53 та гол ҳамда 17 та голли узатма ёздириб қўйишга эришди.