Xokey. "Humo" autsayder ustidan ishonchli g‘alabaga erishdi va 4-o‘ringa ko‘tarilib oldi

Toshkentning "Humo" xokkey klubi bugun Qozog‘iston Pro-ligasining navbatdagi turida o‘z maydonida "Snejnye Barsy" klubiga qarshi bahs olib bordi.

Qiziqarli kechgan uchrashuv 2:0 hisobida “qanotlilar”ning ishonchli g‘alabasi bilan yakunlandi. Ushbu g‘alabadan so‘ng "Humo" ochkolari hisobini 28 taga etkazib oldi va musobaqa jadvalida bir pog‘ona yuqorilab, 4-o‘ringa ko‘tarildi.

Eslatib o‘tamiz, ertaga ushbu jamoalar o‘rtasidagi ikkinchi bahs bo‘lib o‘tadi.