Хоккей. 15 килограммлик кубок учун кураш қизғин паллага кирди

Пойтахтимиздаги "Ice City" муз саройида кечган учрашувда "Бинокор" хоккейчилари 5:2 ҳисобидаги йирик ғалабани қўлга киритишди. Александр Блохин (2 та), Жавоҳир Расулов (2 та) ҳамда Алишер Раҳмоновлар томонидан киритилган шайбаларга "Семурғ" сафида Cергей Голев икки бор жавоб қайтара олди холос.

Шу тариқа сериядаги ҳисоб тенглашди - 2:2. Эндиликда 15 кг вазнга эга бўлган кубокни қўлга киритадиган жамоа 16 апрель куни аниқланадиган бўлди.

Хоккей бўйича Ўзбекистон чемпионати. Финал. Тўртинчи баҳс

"Бинокор" - "Семурғ" 5:2

Сериядаги ҳисоб - 2:2.