Хоккей бўйича Ўзбекистон терма жамоаси юртимизга қайтишди

Жорий йилнинг 2-8-март кунлари Гонконгда ўтказилган хоккей бўйича У18 ёш тоифасидаги жаҳон чемпионатида жамоамиз 5 та ўйинда 5 та ғалабани қўлга киритиб, юқорироқ дивизион — IIB га йўлланмага эга бўлди.

Ҳал қилувчи шиддатли баҳсларда Ўзбекистон терма жамоаси Исроил жамоасини 6:3 ҳисобида мағлуб этиб, олтин медални қўлга киритди.

Бугун Ислом Каримов номидаги Тошкент халқаро аэропортида музаффар хоккейчиларимиз Спорт вазирлиги ҳамда мамлакат хоккей федерацияси мутасаддилари, спортчиларимизнинг ота-оналари ва кенг жамоатчилик иштирокида кутиб олинди ва уларга кейинги мусобақаларда муваффақият тилашди.