Хоккей. Бу сафар дўппи кимга насиб этди?

Кеча Тошкентнинг "Ҳумо" жамоаси Олий Хоккей лигаси - Буюк ипак йўли кубоги доирасида Самаранинг ЦСК ВВС клубини қабул қилди в овертаймда киритилган гол эвазига рақибдан 4:3 ҳисобида устун келди.

Мазкур беллашувда иккита шайба киритиб, "Ҳумо"нинг ғалабасига улкан ҳисса қўшган Семён Валуйский кечаги учрашувнинг энг яхши хоккейчиси бўлди ва ўзбек дўпписини қўлга киритди.

У ушбу дўппини Платон Поповдан қабул қилиб олди. Эслатиб ўтамиз, "Ҳумо" жамоасида ўзига хос анъана мавжуд. Унга кўра, ўйин давомида ўзини кўрсатган хоккейчига ўзбек дўпписи топширилади.