Хоккей. "Ҳумо" "Горняк"га қарши иккинчи баҳсда ғалаба қозонди

Тошкентнинг “Ҳумо” хоккей клуби бугун Қозоғистон Про-лигасининг навбатдаги тури доирасида сафарда “Горняк” жамоасига қарши иккинчи учрашувини ўтказди.

Бу сафар ғалаба “қанотлилар” томонда бўлди. Қизиқарли кечган ўйинда 1:2 ҳисобида “Ҳумо”нинг қўли баланд келди.

Ушбу учрашувдан сўнг “Ҳумо” ўз очколари сонини 39 тага етказиб, мусобақа жадвалида 4-ўрини сақлаб қолди. Мағлубиятга учраган “Горняк” клуби ҳам 31 очко билан 7-ўринда қолди.

Эслатиб ўтамиз, кеча ушбу жамоалар ўртасидаги дастлабки баҳсда “Горняк” 4:3 ҳисобида “Ҳумо”ни мағлубиятга учратган эди.