Холанд, сен бизга мос эмассан!

“Манчестер Сити” етакчиларидан бири Илкай Гюндоған “Боруссия” тўпурари Эрлинг Холанд ҳақида фикр билдирди.

Маълумки, “шаҳарликлар” норвегиялик ҳужумчи учун курашда фаворитлардан бири ҳисобланади. Бироқ, германиялик футболчи Бундеслигада порлаётган тўпурар Хосеп Гвардиола қўллаётган тактик схемага мос эмаслигини таъкидлади. Унинг фикрича, “Манчестер Сити” яққол ҳужумчига таяниб ўйнамайди.  

- Холандда ҳар қандай топ-клубни кучайтирадиган сифатлар бор. Лекин биз якка ҳужумчига таяниб ўйнамай қўйганимизга анча бўлди, - деди Илкай Гюндоған.

Дарҳақиқат, Хосеп Гвардиола шогирдларининг жамоавий ўйин кўрсатиши тарафдори. Ҳозир ҳам “шаҳарликлар” сафида яққол етакчи ёки якка тўпурар йўқ. Мавсум давомида асосий таркиб ўйинчилари орасида Кайл Уокердан бошқа ҳар бир футболчи гол уришга муваффақ бўлган.