Xoland dubl qayd etgan uchrashuvda "Borussiya" yirik hisobda g‘alaba qozondi

Bundesliga 19-turidan o‘rin olgan "Borussiya" Dortmund - "Frayburg" uchrashuvi yakuniga etdi. Mazkur bahsda mezbonlar 5:1 hisobida raqibdan ustun keldi. 

"Asalarilar" safida Myone va Xoland dubl qayd etdi. Shuningdek, Daud ham o‘z nomiga gol yozdirib qo‘ydi. Raqiblardan bu gollarga Demirovich bir marotaba javob qaytardi. 

Ochkolarini 40 taga etkazib olgan Dortmund klubi ayni vaqtda Germaniya chempionati turnir jadvalida 2-o‘rinni band etgan. 30 ochkosi bor "Frayburg" 4-pog‘onada bormoqda.